A menos dunha semana da party, comezamos unha serie de entradas para destacar as cousas imprescindíbeis que hai que levar á party. Esas cousas coas que non poderemos vivir sen elas na party, porque son realmente importantes para facer que a nosa estancia na party sexa o que debe ser.

Un elemento moi importante, aínda que non o pareza, é a regleta, ese aparatito que serve para conctar máis cousas á rede cun so enchufe. ¿E por que é tan importante? Porque mais que nada a organización so nos da un enchufe para cada un, e normalmente necesitamos dous o mais. Se contamos por exemplo a pantalla, a torre e logo os diferentes discos duros que levemos, pois é imprescindíbel que levemos a regleta, senón non poderemos enchufar todo e quedarémonos a medias na nosa participación na XGN.

De todas maneiras, a organización sempre é previsora e soe por á nosa disposición unha tenda dentro da party na que venden este tipo de cousas que soemos olvidar. Aínda que seguro que son máis caras do normal.

Unha boa nova sae este ano na Xuventude Galiza Net. Según a web oficial, responsables de Recursos Humanos de empresas de novas tecnoloxías estarán presentes na Xuventude Galiza Net pra reclutar a novos talentos.

Certo é e por todos sabido que entre o Quake, o Bittorrent e demais pouco tempo haberá pra outros menesteres, mais penso que pode ser un bo intre pra tentar entrar nunha empresa tecnolóxica, quen sabe, cicais un futuro dirixente de Blusens saia da Xuventude Galiza Net, quen sabe…

Estes dous que vedes aqui facendo escolta a Darth Vader foron os protagonistas da XGN do ano pasado. Son, nin mais nin menos, que os Dummies, uns bonecos pertencentes á campaña da Xunta “Non sexas Dummie” para prever que os xovenes conduzamos baixo os efectos do alcool.

Comezaron a repartilos a partir, se non lembro mal, do segundo día e convertéronse nunca plaga por toda a party. Supostamente eran un ou dous para cada participante, pero algúns intrépidos atoparon na entrada unha caixa na que vivían estes bonecos laranxas, co que a maioría foron secuestrados facendo que apareceran fotos de secuestros masivos por tódolos lados. Incluso por megafonía tívose que pedir que os secuestros dos dummies pararan, dado que non se ía pagar ningún rescate por eles.

Non sabemos se este ano haberá algún protagonista como foi o dummie o ano pasado, pero pola miña parte, levarei un par deles por se queren reencontrarse con antigos amigos.

Foto de montjito

Esta é a primeira entrada do que pretendemos que sexa un Blogue non oficial sobre a XGN. Os que vos falan somos Andrés e Manuls, dous blogueiros procedentes de Pontevedra que van xuntos á XGN para pasalo o mellor posible.

Aqui contarémosvos todo o que pase nestes 3 días de party. Tanto as charlas, os concursos como o que pasa alleo á organización, é dicir, o que ocorre debaixo das mesas e que ninguén ve. Esperamos que participedes nesta experiencia tanto como o imos facer nós.

Dentro de pouco proporcionarémosvos unha dirección de correo electrónico á que poderedes enviar todo o que queirades relacionado coa party.